Notisia

INTERUPSHON DEN ALGUN SERVISIO DI MINISTERIO VVRP

Geplaatst op 2 Novèmber 2017 dor di Ministerio di Tráfiko, Transporte i Planifikashon Urbano

Willemstad – Den kuadro di trabounan di mantenshon i mudansa di sistema di aplikashon i servisio di datacenter di CORE, djabièrnè 3 di novèmber 2017, algun Organisashon di Ministerio di Tráfiko, Transporte i Planifikashon Urbano (VVRP) lo tin interupshon riba e sistema interno.

 

Debi na e trabounan menshoná, Servisio pa Planifikashon Urbano (ROP) i Servisio pa Tráfiko i Transporte, inkluso Lokalidat di kùr outo (keuringslokaal) lo ta sera pa públiko riba djabièrnè. Demas organisashonan di Ministerio lo ta habri pa públiko, brindando servisio na kliente te kaminda esaki ta posibel.

 

Via di esaki, VVRP ta pidi komprenshon pa eventual molèster pa e situashon aki. Tur organisashon lo ta na normalidat djaluna proksimo.

Ministerio konserní

Bo opinion