Notisia

Kaminda entre Wacawa i Savonet ta haña kapa final di asfalt

Geplaatst op 4 Sèptèmber 2017 dor di Ministerio di Tráfiko, Transporte i Planifikashon Urbano

Si tin bitumen, e produkto ku ta usa ora ta asfaltá kaya, ta pone e último kapa di asfalt entre Wacawa i Savonet riba djabièrnè 21, djaluna 24 i djamars 25 di yüli próksimo. Asina Obra Públiko ta deklará. Dor di trabounan di mantenshon di Aqualectra na BOO, refineria Isla no ta risibí sufisiente stom pa por produsí bitumen.  

Hende ku ta bai òf bin for di Wespen, mester tene kuenta ku tin probabilidat pa e pida kaminda entre Wacawa i Savonet ta será durante di e trabounan, entre 8’or di mainta i 5’or di atardi. Obra Públiko i Aliansa ta pidi pa tuma e ruta alternativa via di Lagun-Sta.Cruz-Soto i direkshon kontrali. 

Obra Públiko i polis tékniko ta pidi outomobilistanan pa tene kuenta ku e trabounan. Ta pidi komprenshon tambe pa e molèster kousá pa e trabounan. Ku ponementu di e último kapa di asfalt awor si a yega na finalisashon di e pida kaminda aki. 

Ministerio konserní

Bo opinion