Notisia

Kitamentu di nòmber for di kranshi

Geplaatst op 21 Yüli 2018 dor di Ministerio di Maneho di Gobernashon, Planifikashon i Servisio Públiko

Willemstad - Un motibu di disgustu serka hopi hende ta e echo ku nan ta yega te Kranshi sin por haña e servisio ku nan mester djis pasó nan no tin tur dokumento nesesario na man. P’esei Departamento di Asuntunan Públiko (Kranshi) a kuminsá hasi uso di medionan oudiovisual pa duna splikashon na siudadanonan.

Un di e promé produkto/servisio den e kuadro aki ta esun tokante kitamentu di nòmber, na Ulandes “uitschrijving”. A skohé e produkto aki mirando ku nos ta den un temporada den kua hopi siudadano ta prepará pa bai biba afó. Un grupo konosí ta nos studiantenan ku ta bai kontinuá nan estudio den eksterior.

T’asina ku lei ta stipulá ku ta te ku 10 dia promé ku e persona biaha ta posibel kita nòmber na Kranshi. Dokumentonan nesesario pa kita nòmber na Kranshi ta:

  •  Sedulá;
  •  Pasport; i
  •  Papel di kustodia (den kaso di menornan di edat);

Pa loke ta trata nos studiantenan ta asina ku Kranshi ta ofresiendo un servisio speshal na e grupo aki durante e siman di 23 di yüli. Tantu pa kita nòmber komo sakamentu reibeweis.

Ministerio konserní

Bo opinion