Notisia

Konbenio pa ku estudionan superior ta fasilitá akseso den enseñansa pa Region i Karibe!

Geplaatst op 14 Yüli 2019 dor di Ministerio di Enseñansa, Siensia, Kultura & Deporte

E konbenio pa ku estudionan superior ta fasilitá akseso di nos studiantenan, staf, investigadónan na mobilidat den region i Karibe. Dianan 11-12-13 di yüli Ministernan di Edukashon i Enseñansa di Latino Amerika i Karibe a reuní riba e konbenio nobo “Regional Convention on the Recognition of Studies, Diplomas and Degrees in Higher Education in Latin America and the Caribbean” ku e meta pa krea mihó kondishonnan di mobilidat den region!

Paisnan afiliá na UNESCO ta komprometé nan mes pa adoptá medidanan nesesario pa alkansá e metanan ku ta sigui, kolaborando ku otro pa medio di akuerdonan bilateral, subregional o regional:

1. Rekonosé estudio, título i diploma di e paisnan di región, Latino Amerika i Karibe segun e terminonan di e tratado/kombenio i e normanan spesífiko di kada pais; 

2. Promové mobilidat akadémiko entre tur estado parti/estado;
3. Promové harmonisashon di e sistemanan di edukashon superior pa rekonosementu di estudio, título i diploma i fasilitá e rekonosementu di título profesional pa uso segun normanan nashonal;
4. Harmonisá mas tantu posibel e kondishonnan di atmishon na e institútonan di edukashon superior outorisá i rekonosé pa garantisá akseso ekitativo i inklusivo, promoviendo mobilidat akadémiko entre paisnan;
5. Perkurá pa usa e rekursonan komun disponibel den materianan di edukashon superior, basá riba prinsipionan transparente, ku kalidat i ku konfiansa mutuo, poniendo e institutonan di edukashon, investigashon, inovashon i internashonalisashon na servisio i pa desaroyo di tur pais i pueblo di región;
6. Fasilitá akseso inklusivo i ekitativo na enseñansa superior di kalidat i apoyá/sostené oportunidat pa sigui studia kontinuamente (life long learning);
7. Promové koperashon interregional pa fasilitá rekonosementu di estudio, título i diplomanan;
8. Fasilitá mobilidat den region di rekurso humano akadémiko kalifiká den region, ku ta kontribuí na desaroyo integral di paisnan i pueblonan, promoviendo fluho di interkambio di konosementu i di kapasidat;
9. Krea o fortalesé órganonan nashonal responsabel pa realisá ehekushon di e Konvenio aki i realisá kolaborashon ku organonan similar den region.

Pa mas informashon di e konbenio klik aki: Konbenio Enseñansa Superior 2019 pa paisnan di Latino Amerika i Karibe

#Regional #Convention #Recognition #Studies #Diplomas #Degrees

Riba e foto por tuma nota di tur representante di e paisnan intensivamente den reunion kaminda Kòrsou a keda representá pa Minister di Enseñensa, Siensia, Kultura & Deporte.

Ministerio konserní

Bo opinion