Notisia

Konseho di Edukashon pa Enseñansa di Fundeshi a bira realidat

Geplaatst op 19 Yüni 2019 dor di Ministerio di Enseñansa, Siensia, Kultura & Deporte

Willemstad- Konforme e Ordenansa di 14 novémber 2008 relashoná ku areglo pa Enseñansa di Fundeshi artíkulo 7 (Landsverordening van de 14de november 2008 houdende de regeling met betrekking tot funderend onderwijs artikel 7) tin un konseho di edukashon despues di 11 aña.. E ta konsehá minister den kambio proponé pa e lei aki i den duna aplikashon na:

*). Prueba di kapasidat pa duna edukashon ( mester a atkerí esaki riba nivel di ‘bachelor’ na un instituto di edukashon ku minister a indiká komo tal i ekspedí konforme e modelo di diploma ku minister a aprobá. Aparte di e pruebanan menshoná den e promé frase minister por indiká pruebanan atkerí na un otro instituto di edukashon);

- e area di edukashon
a. Idioma, letra i komunikashon, relashoná ku Ingles, Hulandes, Papiamentu i Spañó;
b. matemátika i aritmétika;
c. hende i sociedat;
d. hende, medio ambiente i teknologia;
e. formashon kultural artístiko;
f.  salú i formashon físiko;
g. formashon sosial i emoshonal, i
h. formashon di hende engeneral.

-e guia pa skol: ku informashon pa mayor i yu tokante di di e manera di traha na skol (en todo kaso informashon tokante di e metanan den edukashon i e resultadonan atkerí ku edukashon);
-). otro regla pa e organisashon, e manera di eligí e miembronan i e outoridat di e komishon di mayor;

- e gastunan (manera kompensashon pa personal; mantenshon, seguridat, seguro i inventario; mantenshon, seguro di edifisio i terenonan; energia; atministrashon, atministrashon i direktiva; limpiesa; impuesto;
hürmentu di edifisio i tereno; invershon den edifisio i tereno, promé organisashon; rekapasitashon, kuido di alumno, material pa skol.

E konseho di edukashon pa enseñansa pa fundeshi ta representá:
-). e shete organisashonnan di outoridat /direktivanan di skol ku ta konservá un òf mas skol;
-). dos miembro di e sindikato di personal;
-). dos representante di mayornan di yunan ku ta bai skol di fundeshi (òf e organisashon ku ta akapará tur, ku ta representá e mayornan).

Minister Alcalá-Wallé (OWCS) ta gradisí tur hende pa nan esfuerso.

Riba portrèt: Sra. Herta Parabirsing-Balentina, Sr. Luutsen de Vries, Minister Marilyn Alcalá-Wallé, Sra. Susan Larmonie-Heydoorn i Sra. Monique Bouwman-Esprit .

#onderwijsraad #funderend #onderwijs

Ministerio konserní

Bo opinion