Notisia

Kòrsou ku partisipashon den evento di Union Oropero ;Cariforum i Caribbean Trade Expo na Frankfurt

Geplaatst op 26 Sèptèmber 2019 dor di Ministerio di Desaroyo Ekonómiko

 

 

WILLEMSTAD- Ministerio di Desaroyo Ekonómiko (MEO) huntu ku Cinex a sòru pa 3(tres) empresa lokal por a partisipá den e di 4 edishon di EU-Cariforum Business Forum ku ta tumando lugádianan 26 te ku 28 di sèptèmber na Frankfurt Alemania. Aparte di e empresarionan aki Kòrsou suKomishonado di Sine, sra Eloise van Wickeren tambe ta forma parti di e delegashon ku ta representá Kòrsou den e foro aki.

 

E evento di CARIFORUM-EU ta un koperashon estrecho entre CARICOM i Repúblika Dominikana. Esaki ta un foro empresarial ku ta brinda un oportunidat úniko na mas di 150 empresarionan Karibense i Oropeo pa topa otro i huntu eksplorá posibilidatnan empresarial nobo i desaroyá kolaborashonnan internashonal. Pues CARIFORUM-EU ta konsentrá su mes den konekshon spesífikamente entre e merkado Karibense i esun Oropeo. 
Oropa ta keda konsiderá komo e partner di mas grandi di e paisnan di CARIFORUM despues di Merka. Aparte di esaki Oropa ta kontribuí na kasi 20% di e eksportashon global di CARIFORUM.

Na aña 2018 CARIFORUM-EU a konta ku un oumento di 7.5% den komersio for di CARIFORUM pa Oropa i 34% di empleo lokal den region Karibense danki na aktividatnan di eksportashon ku a surgi debí na konekshonnan ku a nase for di e evento aki.


E aña aki un biaha mas CARIFORUM-EU Business Forum ta konta ku partisipashon di produktor i empresanan di alto prestigio den produktonan natural, ròm, sous i spesereimúsika, sine i animashon.

Di parti di Kòrsou, Ministerio di Desaroyo Ekonómiko huntu ku Cinex a sòru pa 3 (tres) kompania lokal por forma parti di e magno evento aki. Ta trata aki di Curaçao Ecocity Projects NV (Curaloe), Dushi U Curaçao i Dinah Veeris Products. Huntu ku e empresarionan aki, a biaha tambe un representante di e sektor di Koperashon Ekonomiko Internashonal (MEO)pero tambe nos komishonado di sine, sra van Wickeren i un Produktor di Sine lokal Shanelly Emanuelson
CARIFORUM-EU ta tumando tuma lugá di 26 te ku 28 di sèptèmber di e aña aki na Frankfurt, Alemania i durante e próksimo tres dianan aki nos kompanianan lokal partisipante lo tin e privilegio di konosé i interkambiá ku kompanianan similar den Karibe,konektá direktamente ku importadónan i produktornan di interes ie ksplorá oportunidatnan di komersio ku partnernan den Karibe i Oropa.

Sin duda algun un oportunidat úniko pa ekspandé nos teritorionan i alabes alkansá mas eksportashon.

 

Ministerio konserní

Bo opinion