Notisia

Kòrsou presente na 'the new Regional Convention in Latin America and the Caribbean'.

Geplaatst op 11 Yüli 2019 dor di Ministerio di Enseñansa, Siensia, Kultura & Deporte

Paisnan di Latino Amerika i di Karibe a kuminsá trata e Konbenio pa sinkronisá estudionan universitario i superior.

Willemstad- awe dia 11 di yüli 2019, paisnan di Latino Amerika i di Karibe a kuminsá konferensia international di estadonan pa adoptá “the new Regional Convention on the Recognition of Studies, Diplomas and Degrees in Higher Education in Latin America and the Caribbean”, esta e konbenio regional nobo pa rekonosé estudionan, diploma i grado den enseñansa superior den Latino Amerika i Karibe, pa sinkronisá estudionan universitario i superior!

Esaki ta den lus di e agenda di edukashon di UNESCO “Education 2030 Agenda” i den lus di e desaroyo i tendensianan global den enseñansa superior i antisipando riba e preparashon di e konbenio global “Global Convention”. Kòrsou ta keda representá pa un delegashon ku ta konsistí di Minister di E.S.K.D. sra. Marilyn Alcalá Wallé,  Direktor di Maneho; sra. Susan Larmonie-van Heydoorn, Direktor di sektor di Enseñansa i Siensia; dhr. Wladimir Kleinmoedig, Rektor di Universidat di Kòrsou; dhr. Francis de Lanooy, Manager di Kalidat di Universidat di Kòrsou; sra. Sharine Isabella i asistente di gabinete sra. Herta Parabirsing.

E meta grandi di e konbenio riba alto nivel aki ta pa tur komunidat ku ta partisipá yega huntu na e nivel pa fasilitá mobilidat akadémiko, mehorá kalidat i fortifiká koperashon internashonal den edukashon superior.



*********************************************************

Ministerio konserní

Bo opinion