Límite di pobresa suphetivo pa Kòrsou ta stipulá na 2103 florin pa luna, na promé di yanüari 2018 pa un kas di famia representativo konsistiendo di 1 adulto i 2 yu menor di edat.

 Ofisina Sentral di Statistik (CBS) resientemente a finalisá resultado di e kalkulashonnan di e límite di pobresa suphetivo pa Kòrsou. E límite di pobresa suphetivo ta diferente na e

e límite di pobresa ophetivo den sentido ku e aserkamentu ophetivo ta definí probesa a base di opinion di ekspertonan. Den e aserkamentu suphetivo e miembronan di kasnan di famia ta dunan nan opinion tokante e situashon di nan kas pa loke ta trata e grado di bienestar (pobresa òf nò). Ta trata pues di e persepshon di e kasnan di famia tokante porbesa.

E límite di pobresa suphetivo ta definí komo e nivel di entrada ku kua un kas di famia por suplí su nesesidatnan básiko pa luna nèt nèt. Nesesidatnan básiko ta enserá: kuminda, paña i bibienda (hür òf balor di hür, hipotek, gas, awa, koriente i seguro pa kas) i otro  aspektonan rekerí pa e bida diario (manera transport, servisio di Selikor).

 Metodologia ku a apliká

Na 2016 CBS a hasi un Enkuesta di Presupuesto. Komo parti di e investigashon aki a inkluí un lista di pregunta spesial, pa midi opinion di kasnan di famia tokante nan situashon di bida. Pa por midi e límite di pobresa suphetivo ta hasi usu di dos aserkamentu: un aserkamentu kwalitativo i un aserkamentu material (basá riba entrada). Den e aserkamentu kwalitativo ta hasi pregunta ku tin di aber ku e persepshon di e persona enkuestá, tokante e nivel di bienestar òf e grado di satisfakshon ku e situashon di bida di e kas di famia. Un ehèmpel  di e método material ta e pregunta den kua ta pidi e kas di famia evaluá i duna su opinion di e entrada mínimo ku e ta konsiderá sufisiente pa e kas di famia pasa un luna ku ne.

 Resultado

E límite di pobresa suphetivo pa un kas di famia representativo konsistiendo di 1 adulto i 2 yu menor di edat, ta 2070 florin pa luna, na promé di yanüari 2016.

E tabla abou ta kontené resultado di e límite di pobresa pa diferente tipo di kas di famia.

 

Límite   di pobresa pa Kòrsou pa tipo di kas di famia (ANG pa luna): 2016-2018
Tipo di kas di famia			Subjectieve armoedegrens
			1 Yan'16	1 Yan'17	1 Yan'18
Dos adulto i dos yu			2717	2717	2761
Un persona			1294	1294	1315
Dos adulto			1941	1941	1972
Un adulto i un yu			1682	1682	1709
Un adulto i dos yu			2070	2070	2103
Dos adulto i dos yu			2329	2329	2366
Tres adulto			2588	2588	2629
CBS a stipulá e límite di pobresa pa yüni 2016 a base di resultado di   e Enkuesta di Presupuesto.
Pa e añanan siguiente a indeksá e límite di pobresa ku e ratio di   inflashon di e aña anterior (desèmber).

 

Adaptashon anual

Ta rekomendá pa tur aña adaptá e límite di pobresa a base di subida di kosto di bida, segun e desaroyo den e Sifra índise di preis pa konsumido, ku CBS ta kalkulá. 

Pa un análisis mas amplio riba e tópiko aki, nos ta referí na e publikashon “Armoedegrens : een subjectieve benadering” ku por baha gratis for di e página wèb di CBS: www.cbs.cw