Notisia

Lusnan di Trafiko Mahaai

Geplaatst op 3 Aprel 2018 dor di Ministerio di Tráfiko, Transporte i Planifikashon Urbano

Lusnan di trafiko na krusada Cas Coraweg, Doormanweg ta for di servisio. 

Willemstad - Ministerio di Tráfiko, Transporte i Planifikashon Urbano huntu ku Servisio pa Obra Públiko (OW) ta  informá komunidat ku e lusnan di tráfiko na Mahaai na altura di e krusada Cas Coraweg / Doormanweg ta for di servisio pa algun dia kaba

Servisio pa Obra Públiko a konstatá  ku un piesa lo a daña i ku lo dura un ratu pa remediá esaki. Pues pa un periodo e lusnan di tráfiko n’e sitio aki ku ta e krusada Cas Coraweg / Doormanweg lo ta for di servisio. 

Servisio pa Obra Públiko (OW) ta pidi komunidat pa tene kuenta na e krusada aki i kore ku èkstra koutela pa evitá kualke inkumbinensia.Téknikonan lo traha mas efisiente posibel pa rápidamente remediá e situashon. 

Pa mas informashon por tuma kontakto via e number +5999465-1477. Tambe por manda Whats app na number di telefòn +5999511-8582 òf por manda e-mail na info.vvrp@gobiernu.cw.

 

 

Ministerio konserní

Bo opinion