Notisia

MEO i Lokèt di Pèrmit ta informá: promé di aprel awor ta último fecha pa entregá petishon pa pèrmit pa por bende kos riba ruta

Geplaatst op 19 Mart 2019 dor di Ministerio di Desaroyo Ekonómiko

WILLEMSTAD- Ministerio di Desaroyo Ekonómiko (MEO) huntu ku Lokèt di Pèrmit kier rekordá tur persona ku kier bende produkto riba rutanan di seú 2019 i/òf Dia di Rei (27 aprel) ku pa hasi esaki bo mester ta dispone di un pèrmit temporal bálido.

 

Te ku dia promé di aprel próksimo tur persona ku ta interesá pa bende kos riba ruta di seú 2019 i/òf dia di rei por hasi petishon pa un pèrmit temporal sea pa benta ambulante(ventvergunning) òf un pèrmit temporal pa bende kos for di un puesto (standplaatsvergunning). Personanan ku ta deseá di bende kos riba Dia di Rei lo mester entregá nan petishon via un di e organisadónan di e evento. E organisadó na su turno ta enkargá pa entrega e petishon na Lokèt di Pèrmit pa mas tarda promé di aprel 2019.
Promé ku entregá un petishon mester tin tur e siguiente rekisitonan na òrdu;

Pa un pèrmit temporal pa bende kos for di un puesto (standplaatsvergunning) mester trese un karta di outorisashon di e organisadó pa e apoderado, identifikashon di e apoderado, sertifikado di salú di e bendedó i asistente(nan), identifikashon di e organisadó di e evento, identifikashon di e bendedó i e asistente(nan), pa un bendedó estranhero kopia di pèrmit di estadia òf kopia di e pèrmit kaduká i kopia di e petishon pa e pèrmit nobo, komprobante di pago pa e pèrmit. Stampia di Fls. 20,00 pa e pèrmit. Adishonalmente den kaso ku ta nesesario kopia di keuringskaart, resibu di seguro i belastingkaart di e vehíkulo, karta di outorisashon di doño di e tereno privá, komprobante di pago di prekario spesífikamente pa evento ku ta eksihí esaki.

Den kaso di un petishon pa un pèrmit temporal pa benta ambulante (ventvergunning) mester trese un karta di outorisashon di organisadó pa e apoderado, identifikashon di e apoderado, sertifikado di salú di e bendedó i asistente(nan), identifikashon di e organisadó di e evento, identifikashon di e bendedó i e asistente(nan), pa un bendedó estranhero kopia di pèrmit di estadia òf kopia di e pèrmit kaduká i kopia di e petishon pa e pèrmit nobo, kopia di keuringskaart, resibu di seguro i belastingkaart di vehíkulo, komprobante di pago pa e pèrmit. Stampia di Fls. 10,00 pa e pèrmit.

Petishonnan pa bende riba Dia Di Rei mester keda entrega ku tur e dokumentonan ariba menshoná serka un di e organisadónan di e evento.                                                               
Gastu pa e diferente pèrmitnan (leges) ta diferensiá dependiendo di loke e persona ta bai bende durante e evento i pago pa e pèrmit (i kompra di stampia) mester sosodé promé ku 1 di aprel.

 

                                                                                                        Tarifa na florin          Periodo

  1. Benta di kuminda grandi i bibida

no-alkohóliko via di un vehíkulo òf stènt           85,00               pa biaha

  1. Garoshi di Hotdog;                                                  34,00               pa biaha
  2. Benta di e.o kos dushi, frio frio, pòpkòrn,           21,00               pa biaha

suikerspin, sòpi, tutu, eiskrim, bibida

(no-alkohóliko);

  1. Benta e.o. di paña, mata, buki, bijouterie i          10,00               pa biaha

asesorionan bendé for di stènt òf un mesa                                 

 

Pa por hasi petishon pa ámbos pèrmit (vent- òf standplaatsvergunning) mester akudí durante oranan di ofisina na lokèt di pèrmit na Saliña 127 pegá ku Subway.

Tuma nota ku personanan ku ya ta bende kos riba e rutanan di seú mester hasi petishon tòg pa por risibí un pèrmit spesífiko pa por bende kos durante e marchanan. Esaki ta konta tantu pa marcha di seú djaluna 22 di aprel, marcha di Simadan i marcha di seú di Bándabou dia 05 di mei.
Pa mas informashon un i tur por tuma kontakto libremente ku Lokèt di Pèrmit, Bentana di Informashon na tel. 0800-1515 òf 433-3123.

Ministerio konserní

Bo opinion