Notisia

Ministerio di ESKD riba ruta pa karga responsabilidat pa maneho finansiero balansá

Geplaatst op 11 Sèptèmber 2019 dor di Ministerio di Enseñansa, Siensia, Kultura & Deporte

Willemstad- djaluna dia 9 di sèptember 2019, Minister di Enseñansa, Siensia, Kultura i Deporte (ESKD )sra. Marilyn Alcalá-Wallé a tene un seshon di informashon pa e personal di su ministerio.  Minister a elaborá riba e maneho finansiero preokupante, e diferente ahustenan ku a bin ta hasi pa medio di e asina yamá Actiematrix, e Aanwijzing/ instrukshon di Reino i e impakto riba ehekushon di e presupuesto 2019, e Groeiakkoord/Akuerdo di kresementu i e retiro boluntario di personal.

Entre awor i desèmber, segun e Aanwijzing, mester realisá un korte di 112 mion florin riba e presupuesto total pa aña 2019. Esei ta nifiká ku e Ministerio di ESKD tambe mester bai tuma e pasonan nesesario pa realisá e ahustenan den presupuesto. Di otro banda mester krea perspektiva i impulso nobo pa e komunidat. Dentro di poko ta anunsiá kua ta e akshonnan ku ta bai tuma.

 Riba fotonan por tuma nota di momentunan di e seshon informativo.

***********

 

Ministerio konserní

Bo opinion