Notisia

Motosiklista sea alerta i laga kontrolá number di VIN di bo bròmer!

Geplaatst op 4 Yüni 2019 dor di Ministerio di Tráfiko, Transporte i Planifikashon Urbano

Informashon importante:
Motosiklista sea alerta i laga kontrolá number di VIN di bo bròmer!

Willemstad – Minister Zita Jesus-Leito huntu ku Servisio di Tráfiko i Transporte, “Keuringslokaal” ta informá tur motosiklista i/òf doño di bròmer pa laga kontrolá i verifiká ku number di VIN di e bròmer ta original di fábrika. Esaki ta konta pa bròmer nan ku a wòrdu registrá i ku a yega di kùr kaba, tambe pa tur persona ku lo tin ku registrá nan bròmer den futuro na ofisina di “keuringslokaal”. “Keuringslokaal” ta informá tambe kambio di dia den siman, pa kùr bròmer.

Aktualmente ‘keuringslokaal’ ta duna tur doño di bròmer fecha pa kùr nan bròmer riba djaweps so! Entrante 12 di yüli tin un kambio den entrega di fecha pa kùr. Esaki ta enserá ku “Keuringslokaal” ta duna fecha pa kùr bròmer tur dia den siman, bou di e orarionan di kustumber.

“Keuringslokaal” ta hasi e petishon pa for di awor te ku 12 di yüli 2019, tur doño di bròmer laga kontrolá ku e number di VIN di e bròmer ta original di fábrika. Kòntròl di e number di VIN ta posibel, na warda di polis na Rio Canario, esaki por tuma lugá riba tur djarason entre 9or di mainta pa 12or di mèrdia.

Despues di 12 yüli tur bròmer ku tin un number di VIN ku NO ta original di fábrika, no por kùr! Minister Jesus-Leito huntu ku Ministerio di Tráfiko, Transporte i Planifikashon Urbano ta konsehá tur motosiklista i/òf doño di bròmer pa ser alerta i laga kontrolá number di VIN di e bròmer!

 

Ministerio konserní

Bo opinion