Notisia

Obra Públiko ta bai drecha un parti di Schouwburgweg

Geplaatst op 4 Sèptèmber 2017 dor di Ministerio di Tráfiko, Transporte i Planifikashon Urbano

Obra Públiko di Ministerio di Tráfiko, Transporte i Planifikashon Urbano den koperashon ku e kompania MNO Vervat ta bai hasi algun trabou di asfaltamentu riba Schouwburgweg. E trabounan ta kuminsá djaluna dia 26 di yüni próksimo i nan lo tin un durashon di un siman.

Despues ku a terminá ku e trabounan di asfaltamentu riba Schouwburgweg, a keda un parti kaminda mester a trata e asfalt. Ta e parti di e kaya aki na e skina di Martina Plumbing i Gaitoweg. Akinan ta bai kòrta e asfalt, fris e asfalt pa despues dreché bèk.

Pa e trabounan tuma lugá na un forma responsabel, ta sera mitar di e salida di Schouwburgweg na altura di Martina Plumbing durante 5 dia. E tráfiko por kore normal, pero no por usa tur dos via pa sali riba Emancipatie Boulevard sino un via so.

Obra Públiko ta pidi esnan ku ta trafiká den e área aki pa tene kuenta ku eventual stagnashon den tráfiko. Na mes momentu ta pidi outomobilistanan pa kore ku koutela na momentu ku e trabounan ta tuma lugá durante dia. Si tur kos bai segun plan dia 30 di yüni ta terminá e trabounan i tráfiko por flui normalmente atrobe.  

Ministerio konserní

Bo opinion