Notisia

Paner Solar na mas Skol

Geplaatst op 8 Yüli 2019 dor di Ministerio di Enseñansa, Siensia, Kultura & Deporte

Proyekto Panel Solar ta kontinuá: Ketu bai trahando pa bienestar di nos pais!

Willemstad- E trayekto di amplia energia duradero, energia bèrde, ta kontinuá. Ministerio di Enseñansa, Siensia, Kultura & Deporte huntu ku Aqualectra i China Equipment International Trading Co., Ltd./ China Machinery Engineering Corporation (CMEC-group) representá dor di Minister Marilyn Alcalá-Walle na nòmber di gobièrnu di Kòrsou i sra. Joyce Y. Zhaoa  a firma un akuerdo mas pa mas skol haña panel solar.

General Manager China Equipment International Trading Co., a firma e siguiente Memorandum of Understanding pa kuminsa hasi e trabounan di preparashon pa e siguiente skolnan ku ta bini na remarke pa pone panelnan solar, ku ta:
1. C.M.L. Maduroschool na Kura Piedra;
2. Scholen Gemeenschap Otrobanda (SGO);
3. A.E. Goilo School Julianadorp;
4. Kolegio Alejandro Paula (KAP) Matancia;
5. Skol Chema Maduro/Angela Jessurun. Montana Abou.

Panel Solar ta un forma agradabel pa krea elektrisidat. No tin ningun emishon venenoso ku ta keda ventilá den atmosferá den e trayekto di energia bèrde aki. Dor di nos klima, nos por hasi bon uso di e poder solar dor ku solo por proveé nos mas energia ku nos mester. Ademas e ta un fuente masha importante den e movementu pa energia duradero.

#solar #panel #greenenergy

Ministerio konserní

Bo opinion