Notisia

PONEMENTU DI DREMPEL PA ALSA SEGURIDAT DEN TRAFIKO NA SER’I ARRARAT

Geplaatst op 25 Òktober 2017 dor di Ministerio di Tráfiko, Transporte i Planifikashon Urbano

Willemstad – Djasabra, 28 di òktober Servisio pa Obra Públiko (OW) ta kuminsá ku trabounan di buta drèmpel di asfalt riba e kaya na Ser’i Arrarat, net dilanti di UTS, pa alsa seguridat den tráfiko. E trabounan tin un durashon di un dia i durante e periodo aki tin desviashon di tráfiko pa tene kuenta kuné den e área.

 

Drèmpel tin e propósito pa baha e velosidat di e outomobilista di moda ku ta hisa e seguridat den tráfiko. Pa e kaya aki, esta na Ser’i Arrarat net dilanti di UTS, esaki tambe lo ta e kaso. OW ta pidi outomobilistanan pa kore ku koutela den e área na momentu ku e trabounan ta tuma lugá durante dia. Si tur kos kana segun plan e trabounan ta finalisá riba e mesun dia.

 

Segun e trabounan ta tuma lugá, e kaya lo no ta aksesibel pa tráfiko. Outomobilistanan ku ta trafiká den e área mester sigui e indikashonnan den forma di flecha pa yega na nan destinashon.

 

Via di e komunikado aki, OW, kontratista CWM i Kuerpo Polisial Kòrsou ta pidi pasenshi pa eventual molèster pa e kambionan temporal. Pa kualke pregunta tokante e proyekto por tuma kontakto ku OW via e number 433-4237, Whats app +5999511-8582 òf via di e-mail info.vvrp@gobiernu.cw

Ministerio konserní

Bo opinion