Notisia

Rapòrt di balorashon di edifisio BC

Geplaatst op 24 Ougùstùs 2019 dor di Ministerio di Enseñansa, Siensia, Kultura & Deporte

Willemstad- resientemente e trabounan den kuadro di balorashon di e edifisio di Bestuurscollege a keda kla. Manera ya ta konosí, Gobièrnu di Kòrsou a tuma e desishon pa ubiká Ministerio di Enseñansa, Siensia, Kultura i Deporte (OWCS) den e edifisio di Bestuurscollege na Concordiastraat ora esaki ser remodelá.

Gobièrnu a aserká Algemeen Pensioenfonds Van Curaçao (APC) na aña 2018 pa tuma e edifisio antes Bestuurscollege (BC) na Concordiastraat den propiedat i remodel’é pa aloká e Ministerio di Ensenansa, Siensia, Kultura i Deporte (OWCS) despues ku kaba di restourá esaki. APC ya ta konosí pa su kapasidat pa desaroyá terenonan i propiedatnan i asina kontribuí na desaroyo ekonómiko di nos isla. Ku e traspaso di e edifisio di BC pa APC parti di e debe ku gobièrnu tin na APC ta keda deskontá. Entretantu e rapòrt di balorashon di e edifisio a keda kla i ta den preparashon pa Gobièrnu hasi e trámitenan pa por hasi un petishon na Parlamento pa realisá e traspaso di e edifisio pa APC.

Mientras tantu Minister Marilyn Alcalá-Wallé resientemente a bai hasi un inspekshon personalmente na e edifisio akompañá pa su kolaboradornan, representante di VVRP, arkitekto sr. Abath i alabes di APC.

Riba e link athunto por tuma nota di mas foto di e momentu historiko aki: Inspekshon di edifisio di BC

Ministerio konserní

Bo opinion