Notisia

Registrashon di buskadó di trabou ta sigui

Geplaatst op 2 Ougùstùs 2019 dor di Ministerio di Desaroyo Sosial, Labor i Bienestar

Willemstad - Durante 4 siman tin posibilidat pa personanan ku ta desempleá òf ta buskando un otro trabou pasa registrá na ofisinanan di SOAW den Punda. Esaki ta un kampaña relámpago pa por tin un bista mas aktualisá di e kantidat di hendenan ku ta buskando un trabou.

Pa SOAW ta sumamente importante pa tin un indikashon verídiko i konfiabel kuantu hende lokal ta buskando trabou i ki sorto di trabou nan por ehersé, esaki pa evitá mas tantu posibel ku tin ku duna pèrmit di trabou pa estranhero bin traha akinan.


Ta e intenshon pa regularmente informá esnan registrá den nos sistema tokante vakaturanan i kursonan, esaki via entre otro WhatsApp.
E formulario nobo ta kreá riba www.gobiernu.cw i ta pidi sierto informashon básiko di e buskadó di trabou. Buskadó di trabou ku tin akseso na internet por haña e formulario riba gobiernu.cw, bou di temanan i e yama “Tin Trabou na Kòrsou”.

E buskadó di trabou por pasa tambe na Prinsenstraat dilanti Mc Donald’s na Sentro pa Trabou òf tambe den Punda mes na Pietermaai Mall Unit 21 i 22 pa asistensia ku nan registrashon entrante djaluna 29 di yüli di 8or pa 3 or di atardi.

SOAW ta enfatisá ku si bo a yega di registrá kaba, registrá atrobe via internet òf pasa na ofisinanan di SOAW den Punda, sea na Prinsenstraat of Pietermaai Mall.

Ora bo ta debidamente registrá bo oportunidat pa logra haña un trabou ta oumentá.

Ministerio konserní

Bo opinion