Notisia

Registrashon na SOAW ta kontinuá

Geplaatst op 8 Ougùstùs 2019 dor di Ministerio di Desaroyo Sosial, Labor i Bienestar

Gobièrnu a surpasá 600 registrashon i tur hende lo haña un yamada pa un entrevista kualitativo

Willemstad – Gobièrnu a habri un registrashon nobo di buskadó di trabou dia 29 di yüli 2019. A kuminsá ku personanan ku ke okupá un trabou den HoReCa (servisio di kuminda pa hotèl, restorant, kafé) i hoteleria.

Registrashon ta kontinuá den tur otro área di trabou. Tur hende por pasa na ofisinanan di Ministerio di Desaroyo Sosial, Labor i Bienestar (mihó konosí
den boka di pueblo komo SOAW) i registrá. Por pasa tambe na Prinsenstraat dilanti Mc Donald’s na Sentro pa Trabou òf tambe den Punda mes na Pietermaai Mall Unit 21 i 22 pa asistensia ku nan registrashon entrante djaluna 29 di yüli di 8or pa 3 or di atardi.

Personanan ku akseso na internet por registrá nan mes. Nan por bishitá gobiernu.cw, bou di temanan, nan lo haña un link ku yama “Tin Trabou na Kòrsou”.

Te ku awor e tim i gobièrnu a registrá mas ku 600 persona interesá. E intenshon ta pa sigui ku registrashon .

Ministerio di Desaroyo Sosial, Labor i Bienestar ta pidi buskadó di trabou ku ta interesá pa okupá un funshon den kualke área, pa pèrkurá pa nan ta
registrá via ofisinanan di gobièrnu òf via www.gobiernu.cw, bou di temanan, skohiendo Tin Trabou na Kòrsou”.

Ora bo ta registrá pa trabou bo oportunidat pa haña trabou ta oumentá.

Ministerio konserní

Bo opinion