Notisia

Remodelashon di Skol Prinses Margriet

Geplaatst op 14 Aprel 2019 dor di Ministerio di Enseñansa, Siensia, Kultura & Deporte

Willemstad- Despues di un periodo di preparashon intensivo, kaminda Reda Sosial pa medio di un destaho riba 15 òktober 2018 a skohe BWC B.V pa hasi e trabou di rekonstrukshon di Prinses Margrietschool, na Bahamasweg Buena Vista, trabounan a kuminsá riba 9 yanüari 2019. Trabounan di maneho i kòntrol ta den man di Modus 10 B.V.

E trabounan ta konsistí di mantenshon grandi na tur dos e komplehonan di e skol, kaminda ta remplasá e dak i su konstrukshon, pone plafònt nobo i moderno, remplaso di tur bentana i porta, konstrukshon di dos lokalidat èkstra, pone vlür nobo, pone sèt di toilèt nobo pa mucha muhé i hòmber, ferf e skol den kolónan suave i adaptashon di e instalashonnan elektro tékniko. Alabes ta sera e kurá di e skol di un forma seif i sigur den kuadro di Seguridat na skolnan.

Kabinete Rhuggenaath i Minister di Enseñansa, Siensia, Kultura i Deporte sra. Marilyn Alcalá-Wallé ta sigui duna atenshon na krea un ambiente agradabel i sigur na nos skolnan na Kòrsou.

Riba e imágennan por haña un bista di e avansenan na e skol menshoná.

 

*****************************************************************************

Ministerio konserní

Bo opinion