Notisia

Resultado investigashon di Inspekshon relashoná ku deklarashonnan di presidente hunta di direktiva di CMC

Geplaatst op 9 Òktober 2019 dor di Ministerio di Salubridat Públiko, Medio Ambiente i Naturalesa

Resultado investigashon di Inspekshon relashoná ku deklarashonnan di presidente hunta di direktiva di CMC

 

Manera ya ta konosí Inspekshon di Salú resientemente a hasi un investigashon di hechos relashoná ku deklarashonnan tokante Arabir ku presidente di e hunta di direktiva di Curaçao Medical Center a hasi públikamente i nan konteksto, durante un enkuentro di introdukshon pa futuro personal di Curaçao Medical Center.

Banda di e presidente di e hunta di direktiva di CMC, Inspekshon durante su investigashon a tende tambe gran kantidat di empleadonan serkano i stakeholders ku tabata presente durante e enkuentronan pero tambe representantenan di komunidat Arabir na Kòrsou.

 Ademas Inspekshon a tuma nota di un fragmento di oudio ku ta sirkulá, pero tambe e investigashon di hunta di komisario di CMC, bou di kua e hunta di direktiva ta resortá.

For di e investigashon Inspekshon ta konkluí ku e deklarashonnan ku e presidente di e hunta di direktiva a hasi no ta intenshonalmente diskriminatorio i e empleadonan serkano i stakeholders no a eksperenshá esaki komo tal, pero si tabata ofensivo pa un parti di komunidat Arabir. Esaki a suprayá e tempu relativamente korto na Kòrsou pero tambe no sufisiente konosementu di komunidat di Kòrsou den kua komunidat Arabir ta integrá i forma parti di dje mas ku 100 aña.

Lokual ta resaltá den e konklushon ta ku na banda di e empleadonan serkano i stakeholders di e presidente no a haña òf eksperenshá akshonnan, konsiderashonnan òf otro deklarashonnan ku ta mustra riba un tono deskriminatorio di e deklarashonnan hasí. Alabes a resultá for di e investigashon interno hasí pa hunta di komisario di CMC kual tabata  independientemente di Inspekshon, ku den liñanan grandi a saka mesun konklushonnan prinsipal.

Sinembargo Inspekshon ta kere ku den futuro bou di direkshon di hunta di komisario di CMC, mester bini un programa di introdukshon intensivo pa e presidente den kuadro di kon anda ku i e sensibilidatnan di e diferente gruponan ku huntu ta forma komunidat di Kòrsou.

 

Ministerio konserní

Bo opinion