Notisia

Señor Edwin Baas miembro nobo di hunta di komisario di Tayer Sosial

Geplaatst op 29 Mart 2018 dor di Ministerio di Desaroyo Sosial, Labor i Bienestar

Willemstad – Ayera atardi señor Edwin Baas, fisioterapista i instruktor konosí di arte marsial di Baas Sports Curaçao i profeshonal den seguridat i salú, a wòrdu apuntá komo miembro di hunta di komisario di Fundashon Tayer Sosial. Komo miembro, señor Baas por brinda un bon aporte ku su konosementu i eksperensia ámplio na personanan ku ta partisipante di Tayer Sosial. Sra. Marbella Pichardo, presidenta di Tayer Sosial Sta. Martha, tabata presente pa yama Sr. Baas bon biní den hunta di komisario ku awor ta konsistí di Sra. Pichardo (presidenta), Sra. Melania Obispo-Noor (komisario), Sr. Jurphy Maria (komisario) i Sr. Baar (komisario). Minister di DSLB, Hensley F. Koeiman, na nòmber di Ministerio di Desaroyo Sosial, Labor i Bienestar, a felisitá señor Baas ku su nombramentu i a deseá Sr. Baas forsa i sabiduria.

Ministerio konserní

Bo opinion