Notisia

Servisio pa Planifikashon Urbano (ROP) ku 4 seshon interno pa e tim di maneho di e organisashon

Geplaatst op 16 Òktober 2018 dor di Ministerio di Tráfiko, Transporte i Planifikashon Urbano

Willemstad – Servisio pa Planifikashon Urbano (ROP) ta e instansia di Gobièrnu ku ta responsabel pa entre otro evaluá kada konstrukshon i duna pèrmit pa esaki por sosodé na òrdu. Pa ROP por funshoná di forma optimal e mester tin liderazgo fuerte pa guia e organisashon den bon direkshon. Tim di maneho di ROP huntu ku Minister Zita Jesus-Leito tin komo meta pa optimalisá organisashon. Den e kuadro aki, a organisá 4 seshon interno pa e tim di maneho tokante liderazgo. Ophetivo di e seshonnan aki tabata pa fortifiká kualidatnan di liderazgo komo grupo i di kada miembro individual di e tim.

E ròl di e tim di maneho di ROP ta pa sostené e direktor di ROP den su responsabilidat. Kada miembro individual tin e kapasidat, kompetensia, konosementu pa komplementá tantu e direktor komo e tim. Kada miembro individual ta úniko i por aportá na un manera spesial pa mehorá servisio na komunidat.

ROP awor ta aun mas mihó ekipá despues di e 4 seshonnan aki, kombiná ku 4 otro seshon di konfiansa pa personal ku a tuma lugá resientemente. ROP lo sigui traha na bienestar di komunidat.

Pa pregunta general por tuma kontakto ku ofisina di ROP via e number 433-3200 òf por aserka nos via e-mail na info.rop@gobiernu.cw.

Ministerio konserní

Bo opinion