Notisia

Seshon di informashon tokante Kaya Muizenberg

Geplaatst op 20 Novèmber 2018 dor di Ministerio di Tráfiko, Transporte i Planifikashon Urbano

Willemstad – Servisio pa Obra Públiko (OW) ta invitá habitantenan i komersiantenan di Kaya Muizenberg i besindario na un seshon di informashontokante e proyekto pa alsa seguridat di tráfiko rondó di SGR Groep i besindario di Muizenberg. Esaki ta tuma lugá djarason 21 di novèmber 2018, di 7or pa 9or di anochi na Sentro di Bario Muizenberg na Delthastraat #2.

Trabounan di mantenshon di Kaya Muizenberg ta bai kuminsá dia 26 di novèmber 2018 i lo dura mas o ménos 4 siman. Kontratista MNO ta enkargá ku e trabounan aki.

OW ta spera di por konta riba presensia di un i tur. Por konfirmá na 511-8582 òf via e-mail info.vvrp@gobiernu.cw. Pa mas informashon tokante e proyekto por bin e seshon di informashon, òf yama òf whats app na number di telefon +5999 511-8582. tambe por bishita e paginá di facebook Ministerie VVRP òf e website www.vvrp.cw/proyekto.

Ministerio konserní

Bo opinion