Notisia

Sintonisá awe nochi Diskurso Nashonal Promé Minister di Kòrsou

Geplaatst op 18 Yüli 2019 dor di Ministerio di Asuntunan General i Promé Minister

WILLEMSTAD – Awe 18 di yüli 2019 pa 8’or di anochi Promé Minister di Kòrsou, sr. Eugene Rhuggenaath, lo tene un diskurso nashonal na e diferente plantanan di televishon lokal.

Durante di su diskurso Promé Minister lo elaborá tokante e Akuerdo di Kresementu ku Kòrsou resien a firma ku Hulanda i e desishon di Konseho di Minister di Reino pa duna Kòrsou un Instrukshon. Lo duna un splikashon mas amplio tokante kiko kada un di e dos desaroyonan akí ta nifiká pa Kòrsou i tambe kiko komunidat di Kòrsou por spera komo e próksimo pasonan ku Gobièrnu ta bai tuma den e periodo benidero na bienestar di nos pais.

Gobièrnu di Kòrsou ta invitá henter pueblo di Kòrsou pa sintonisá e diskurso nashonal awe nochi, pa asina haña un mihó bista di e totalidat i kon huntu nos por sigui bai dilanti komo pais.

 

Ministerio konserní

Bo opinion