Notisia

Ta sera un via di Arubastraat for di Frederickstraat te na e rotònde na altura di Renaissance

Geplaatst op 24 Ougùstùs 2018 dor di Ministerio di Tráfiko, Transporte i Planifikashon Urbano

Willemstad – Entrante djaluna 27 di ougùstùs te ku 1 di òktober 2018, Servisio pa Obra Públiko (OW) ta hasi trabounan di mantenshon na e viadukto na altura di Arubastraat den Otrobanda. Lo traha parti ariba di e viadukto. Esaki ta trese kuné ku lo sera un via di Arubastraat  for di Frederickstraat te na e rotònde na altura di Renaissance.

Tráfiko riba Arubastraat ta sigui kore normal atraves di un via. Ta sera e kaya tur dia for di 8.30 di mainta te ku 4.00 di atardi. Despues di 4.00 di atardi ta habri e kaminda tur dia bek. Esaki ta pa minimalisá molèster pa e outomobilistanan ku ta hasi uso di e kaya aki.

 

Ministerio konserní

Bo opinion