Notisia

Ta urgí públiko na playanan pa despues di grel tira karbon den barínan spesial pa tira karbon aden

Geplaatst op 16 Aprel 2019 dor di Ministerio di Salubridat Públiko, Medio Ambiente i Naturalesa

Pa evitá aksidente na
playa durante Siman Santu,

Ta urgí públiko na playanan pa despues di grel tira karbon den barínan spesial pa tira karbon aden


Willemstad – Ministerio di Salú, Medio Ambiente i Naturalesa ta lamentá ku den pasado na diferente okashon personanan na playa a sufri kemadura na pia i man despues di a trapa riba karbon ku ainda tabata kayente. Resientemente esei tabata e kaso atrobe i hopi di nos por a mira e imágennan di e suseso aki riba Facebook. Relashoná ku esaki ministerio ta informá ku tur e susesonan lamentabel aki por a keda evitá simplemente si a depositá e karbon den e barí spesial destiná pa esaki ku tin na nos playanan.                      

No ta pòrnada ministerio a bini ku e fasilidat di barínan pa tira karbon aden na nos playanan. E fasilidat aki ta pa evitá ku aksidentenan ta tuma lugá pero tambe pa tene nos playanan limpi. Durante e dianan di Siman Santu aki nos playanan lo ta hopi bishitá i den e kuadro aki Ministerio di Salú, Medio Ambiente i Naturalesa ta urgí tur esnan ku ta bishitá nos playanan pa tene esakinan limpi i tira karbon den e barínan spesialmente destiná pa esaki. Evitá aksidente i alabes tene nos playanan limpi.


Riba potrèt por mira un barí spesial pa tira karbon aden.

Riba potrèt por mira personal di AVB momentu ku nan ta kolektá kontenido di un barí spesial pa tira karbon aden.

Riba potrèt por mira pia di un mucha despues di a trapa riba karbon kayente tapá ku santu ku personanan iresponsabel a bai laga atras.

Riba potrèt por mira tambe man ku kemadura di e mucha ku a bira viktima.
  


                                                                        ###

 

 

Ministerio konserní

Bo opinion