Notisia

TARIFA DI BUS CHIKÍ I MEDIANO NO TA KAMBIA ENTRANTE 1 DI YÜLI 2019

Geplaatst op 30 Yüni 2019 dor di Ministerio di Desaroyo Ekonómiko

Willemstad –Ministerio di Desaroyo Ekonómiko (MEO) ta informá ku entrante 1 di yüli 2019, tarifa máksimo di bùs chikí i mediano no ta kambia konforme desishon di Konseho di Minister. A yega na e desishon despues ku a konsultá sindikatonan di transporte STU i STO riba e kuestion aki. E último biaha ku a adaptá tarifa di bùs chikí i mediano tabata na yüli 2017.

 

E tarifa pa Stadsdistrict ta keda 2,00 florin. E tarifa di Stadsdistrict pa 2e district ta keda 2,70. Tarifa di Otrabanda pa 3e district ta keda 3,80. Tarifa dentro di 2e district, ta keda 2,70 i tarifa den 3e district ta keda 2,00. MEO ke enfatisá ku e tarifanan ariba stipulá ta konta pa pasaheronan di 2 aña di edat bai ariba. Pa lei kada shófur di bùs mèster tin e lista di tarifa kompleto visibel den bùs.

Ministerio konserní

Bo opinion