Notisia

Teniendo su mes na lei di Bon Maneho, Gobièrnu a laga desishon na Refineria di Kòrsou.

Geplaatst op 8 Febrüari 2019 dor di Ministerio di Asuntunan General i Promé Minister

Willemstad – E desishon pa adaptashon den konstelashon di PMO di Refeneria di Kòrsou, no ta un desishon di Gobièrnu di Kòrsou, pero di Refineria di Kòrsou (RdK). Gerensia di Refineria di Kòrsou, ku e kompromiso pa sigui riba e trayekto pa haña un operador pa nos refineria, a opta pa reorganisá struktura di e tim (PMO) ku ta negoshá ku e diferente interesádonan i reforsá esaki ku liderasgo di tres persona, liderá pa direktor di RdK, sr. ʹChonkyʹ de Lannoy.

Sr. Clift Cristiaan, ku tabata na kabes di PMO, ta keda den su ròl di konsehero den tur aspekto ku RdK mester di dje. Si mester di servisionan di Sr. Errol Cova, lo hasi uso di su ekspertisio ora ta nesesario, prinsipalmente riba temanan laboral. PDVSA a hür e instalashonnan di rafinahe pa un termino di 20 aña serka RdK, kual kontrakto ta bin terminá na fin di e aña koriente. RdK ta manehá e propiedat di e refineria i otro patrimonionan manera Bullenbaai, pero no tin relashon di trabou ku trahadónan di Isla.

Refineria di Kòrsou, ku ta un di e kompanianan di Gobièrnu, tin su mes òrgano di maneho i su mes gerente. Basá riba lei di Bon Maneho (Good Governance), mester krea un separashon di tarea den e diferente organonan, pa asina hiba un maneho bon i responsabel. E lei aki ta unu ku a keda ratifiká den Konseho Insular i despues konsolidá komo lei, ora Kòrsou a bira un pais outónomo den Reino. Bon gobernashon ta nifiká ku Gobièrnu, komo instituto, ta distanshá su mes for di e maneho diario di un kompania di Gobièrnu, kontrali na loke esaki tabata den pasado na Konseho Insular.

Promé Minister Eugene Rhuggenaath, komo Minister Presidente i mandatario responsabel pa RdK, a instruí Gerensia di RdK pa enkaminá di forma aselerá, e proseso di buska un operador, pa garantisá kontinuashon di e refineria, dor di tene e kanalnan di komunikashon habrí pa tur kompania ku a ekspresá interes. Pa Gobièrnu, e meta prinsipal awor aki ta pa yega mas pronto posibel na un klaridat tokante di un operador nobo i asina garantisá kuponan di trabou na refineria i entrada pa kasnan di famia aworaki i den futuro serkano.

Ministerio konserní

Bo opinion