Notisia

Trabounan di limpiesa na Skol VSBO/AGO Juan Pablo Duarte ta tumando lugá.

Geplaatst op 2 Yanüari 2019 dor di Ministerio di Enseñansa, Siensia, Kultura & Deporte

Trabounan di limpiesa na Skol VSBO/AGO Juan Pablo Duarte ta tumando lugá.

Después di e último muestranan ku ekspertonan a tuma na skol JPD riba posibel presensia di asbèst na e skol i después di e análisis nesesario a tuma lugá, a resultá for di e rapòrt di CEGE Caribbean BV di 20 dezèmber 2018, ku a base di e muesta nobo tumá riba 17 di dezèmber 2018 den e ala sur di e skol ya menshoná, no por papia di presensia di partíkulanan di asbèst den e area.

E konklushon ta ku Skol Juan Pablo Duarte den su totalidat (tantu e parti nort komo esun sur) ta liber di asbèst. Esaki ta enserá ku ARBO a duna lus berde na Servisio di Skolnan Públiko (DOS) pa habri e skol. Den e kuadro aki e trabounan di limpiesa na JPD a kuminsá i ta den full swing pa garantisá ku ora skol kuminsá djaluna 7 di yanüari próksimo e proseso di enseñansa por sigui sin muchu kontra tempu mas.

Relashoná ku e situashon ku a presentá e tim di skol ta trahando riba un plan di rekuperashon pa lokual ta trata e lesnan ku tin retraso.  Alabes ta bai invitá Mayornan pa un reunion di informashon pa tene nan na altura di e desaroyonan i e akshonnan na bienestar di nan yunan na e skol.

Riba djarason 2 di yanüari, Minister enkargá ku e.o. Enseñansa, sra. Marilyn Marilyn Alcalá-Wallé mes a bai tuma nota di e trabounan di limpiesa ku ta tumando lugá tantu den e lokalidatnan, pafó di e lokalidatnan i den e kurá di skol.

*******************************************************************************

Ministerio konserní

Bo opinion