Notisia

TRABOUNAN DI REPARASHON NA E VIADUKTO DI ARUBASTRAAT TA KONTINUA

Geplaatst op 11 Òktober 2017 dor di Ministerio di Tráfiko, Transporte i Planifikashon Urbano

Willemstad – Djasabra 14 di òktober i djadumingu 15 di òktober, Servisio pa Obra Públiko (OW) ta bai kontinuá ku trabounan di reparashon na e viadukto di Arubastraat. Esaki ta nesesario pa sigui ku trabounan di drecha sker i eventual fèrfmentu di e viadukto.

 

E trabounan ta trese kuné ku durante di e dos dianan menshoná, for di 7’or di mainta lo hasi e trabounan di reparashon di e siguiente manera;

  1. Lo sera e via pa tráfiko ku ta baha Koningin Julianabrug pa bai Otrabanda. Pa por yega Otrabanda outomobilistanan ku ta baha di Koningin Julianabrug mester sigui kore i na altura di Domi hasi un U-turn.
  1. Tráfiko ku ta subi for di Arubastraat pa bai direkshon Punda lo wòrdu desviá pa e banda kontrali di kaminda pa un distansha kòrtiku pa despues regresá bek pa e via korekto.

OW i Betonbouw ta purba baha e molèster pa tráfiko i ta pidi pa tene kuenta ku e kambio temporal den e situashon di tráfiko. Tambe pa tene kuenta ku e personanan ku ta hasi e trabounan di reparashon na e viadukto. Pa kualke pregunta tokante e proyekto por tuma kontakto ku OW via e number 433-4327, Whats app +5999511-8582 òf via di e-mail info.vvrp@gobiernu.cw

Ministerio konserní

Bo opinion