Notisia

Trayekto di lei Seguridat na Skolnan a wanta un ratu.

Geplaatst op 17 Aprel 2019 dor di Ministerio di Enseñansa, Siensia, Kultura & Deporte

Willemstad- den su fase final di tratamentu di e lei riba Seguridat na Skolnan na Kòrsou, Ministerio di Enseñansa, Siensia, Kultura i Deporte a duna espasio na direktivanan di skol (8) i sindikatonan SITEK i ABVO. Tur partido a suprayá e importansia di un lei i un plan i seguridat pa nos skolnan na Kòrsou.

Sinembargo direktivanan di skol ta haña ku e embargadura pa sòru pa e parti físiko di skolnan ta na òrdu, ta pidi tempu i invershon finansiero grandi. Banda di esei pa lokual ta trata e aspekto sosial, teniendo kuenta ku e último susesonan na skol ku tabatin mas bien di haber ku e komportashon di alumnonan i ku a resultá den gastu adishonal pa motibu ku mester a buska yudansa profeshonal (e.o. Psikólogo) a trese mas gastu, ku gobièrnu no ta kubri. A trese dilanti pa laga e lei drenta na vigor den fase te ora tur direktiva por kumpli kabalmente ku e lei. Na final di e seshon tur partido a haña e oportunidat pa duna mas sugerensia i a pone e fecha di 29 di aprel próksimo pa entregá tur otro sugerensia i rekomendashon.

Despues ta sigui un seshon mas ku e partidonan ku tabata presente pa konkluí e tratamentu di e lei di Seguridat na Skolnan.

 

*******************************************************************************************

Ministerio konserní

Bo opinion