Notisia

Tur ámtenar di Ministerio di Tráfiko Transporte i Planifikashon Urbano lo huramentá djabièrnè 8 yüni 2018

Geplaatst op 7 Yüni 2018 dor di Ministerio di Tráfiko, Transporte i Planifikashon Urbano

Willemstad – Minister di Tráfiko Transporte i Planifikashon Urbano (VVRP) Zita Jesus Leito ta anunsiá ku djabièrnè 8 di yüni 2018 tur ámtenar den servisio di Gobièrnu di Kòrsou ku ta den su ministerio lo hasi nan huramentashon den oranan di mèrdia pa atardi. Esaki ta un paso grandi den e proseso pa yega na un aparato ku ta íntegro. Tur ámtenar di e ministerio a risibí nan kódigo, i a sigui un training di integridat. Awor nan ta huramentá!

 

E momentu di huramentashon aki tin komo konsekuensha ku entre 2 or pa 5 or di atardi e organisashonnan ku ta kai bou di VVRP lo ta bou di kapasidat pa algun momentu.

 

E organisashonnan di VVRP ta:

-          Gabinete di Minister

-          Tim di Maneho

-          Staf Ministerial

-          Organisashon di Maneho

-          Servisio pa Obra úbliko

-          Domeinbeheer

-          Servisio pa Tráfiko i Transporte (UO-VV)

-          Servisio pa Planifikashon Urbano (ROP)

-          Outoridat di Aviashon Sivil di Kòrsou (CBA)

-          Outoridat Marítimo di Kòrsou (MAC)

-          Servisio Meteorológiko (METEO). Meteo ta garantisá su servisio na tur aktor sin interupshon manera mester.

 

Ministerio di VVRP ta pidi su diskulpa pa kualke inkombeniensia ku esaki por trese kuné. Djaluna 11 yüni 2018 e organisashonnan lo sigui duna servisio na komunidat manera kustumbrá.

Ministerio konserní

Bo opinion