Notisia

Último dia pa laga verifiká e number di VIN di motosaikel(MF) i bròmer (BF)

Geplaatst op 7 Yüli 2019 dor di Ministerio di Tráfiko, Transporte i Planifikashon Urbano

Último dia pa laga verifiká e number di VIN di motosaikel(MF) i bròmer (BF)

Willemstad – Minister Zita Jesus Leito huntu ku Servisio pa Transporte Públiko (VV) ta hasi un yamada na tur doño di vehíkulonan di dos wil, manera motosaikel (MF) i bròmer (BF) ku djárason 10 yüli 2019 ta último dia pa laga verifiká e number di VIN di nan motosaikel(MF) y bròmer (BF) na warda di polis Rio Canario.

Den kuadro di halsa seguridat a kuminsá ku kontrol di number di VIN di tur motosaikel i tambe bròmer. Abreviashon di VIN ta ‘Vehicle Identification Number’ na ingles òf ‘Voertuig IdentificatieNummer’ na hulandes.

Servisio pa Transporte Públiko ta konsehá tur doño di motosaikel i bròmer pa saka un potrèt di e number di VIN i number di e motor. Tambe ta hasi un petishon pa informá e inspektornan na momento di e verifikashon di e motosaikel i bròmer si e kolo original di e motosaikel i /òf bròmer a ser kambia di kolo.

Esaki ta pa kanalisá i yuda e proseso di verifikashon di e number di VIN di e motosaikel i bròmer kana mas lihé. Si e vehíkulo di dos wil, motosaikel òf bròmer no ta kore, ta duna e opshon pa bin ku e vehíkulo aki den baki di un pikòp.

Despues di djárason, 10 di yüli 2019, no tin mas chèns pa verifiká number di VIN di motosaikel i bròmer na warda di polis Rio Canario. No ta bai kùr motosaikel (MF) i/òf bròmer (BF) ku tin un number di VIN ku no ta original di fábrika.

Servisio di Transporte Públiko ta hasi e petishon pa hasi uzo di e último fecha, djárason 10 yüli 2019, pa verifiká number di VIN di e motosaikel i bròmer na warda di polis Rio Canario. Esaki ta un rekordatorio pa tur persona ku a kùr kaba i pa tur ku mester kùr na aña 2020.

Pa mas informashon por yama na number di telefòn 839-2149 òf 839-2073.

 

 

 

 

Ministerio konserní

Bo opinion