Notisia

Ministerio di Enseñansa, Siensia, Kultura i Deporte ta sigui brinda servisio na públiko

Geplaatst op 8 Ougùstùs 2018 dor di Ministerio di Enseñansa, Siensia, Kultura & Deporte

Aña eskolar 2018/2019 na Kòrsou ta reanudá djarason awor 15 di ougùstùs próksimo. Den e kuadro aki tur preparashon ta wòrdu hasí dor di Ministerio di e.o. Enseñansa pa laga e temporada nobo di skol start mas optimalmente posibel.

Pa mayornan, alumnonan i otro aktornan relevante ku ta buskando kontakto telefóniko ku e Ministerio, ta duna di konosé ku algun liña di telefòn i prinsipalmente e number importante pa e dianan aki 732-4324, ta temporalmente for di servisio pa motibu di un reto tékniko den e sistema di telekomunikashon. E number sentral di Ministerio 43 43 700/711 si ta den servisio i kliente por yama pa informashon i kaminda ta nesesario nos ta tuma informashon di e kliente i yama bèk.

Ministerio ta ofresé su diskulpa pa e inkumbiniensia i ta hasi un apelashon na tur ku mester di sosten pa por fabor akudí personalmente na e Ministerio situá na Bonbini Business Center na Schottegatweg Oost 10, pa e Ministerio sigui brinda e servisio nesesario na tur ku mester di e sosten pa ku e aña eskolar nobo óf por mail nos na OWCS.Communicatie@gobiernu.cw.

**************************************************************

Ministerio konserní

Bo opinion