Armin Konket

Minister di Maneho di Gobernashon, Planifikashon i Servisio Públiko

Armin Konket

Nòmber: Armin Konket
Lugá i fecha di Nasementu: Kòrsou, 05 di ougùstùs 1961   

Estudio

Periodo Estudio
1991 Doctoraal Bestuurskunde, Universiteit van Amsterdam
1989 Landmeetkunde, Hogere Technische School Utrecht
1980 HAVO, Maria Immaculata Lyceum

Karera Profeshonal
Armin Konket, na 1992 a traha na ‘Stafbureau’ di ‘Bestuurscollege’ di Kòrsou. Te ku aña 1994 e la keda einan komo ‘Organisatieadviseur’ na e sekshon di Organisashon i Informashon. Su tarea prinsipal: implementá maneho di reorganisashon di Gobièrnu Insular di Kòrsou (Eilandgebied Curaçao).

Na aña 1994 e la bira ‘Business Consultant’ na Arthur Andersen. Einan e la keda enkargá ku investigashon di organisashon i efisiensia di e aparato gubernamental di Gobièrnu Insular di Kòrsou (‘Kerntaken-analyse’) i di Gobièrnu Sentral (‘Reinventing Government’).

Di aña 1997 pa 1998 e la fungi komo kolaboradó di Departamentu di Salú Públiko i Higiena Ambiental alabes e laborá komo sekretario di Komishon di Maneho di Restrukturashon di Kuido di Salú Antia Hulandes (‘Stuurgroep Herstructurering Gezondheidszorg Nederlandse Antillen’).

Di 1998 pa 1999 e tabata konsehero di frakshon di MAN den parlamento i na 2000 e la bira kolaboradó di staf di Ofisina di Asuntunan Konstitushonal (‘Bureau Constitutionele zaken’).

Na 2007 e la bira direktor na ‘Directie Bestuurlijke en Constitutionele Zaken’. Tambe e tabata vise presidente di e proyekto pa desmantelá Antia Hulandes (‘Projectgroep Ontmanteling Nederlandse Antillen’) i 2do sekretario di kambionan konstitushonal di Antia Hulandes

Na 2010 i te ku resien e tabata traha na Ministerio di Asuntunan General komo kordinadó di maneho. Di 2013 pa 2016 e la fungi komo miembro di Parlamento.  I riba 29 di mei 2017 e la keda nombrá Minister di Maneho di Gobernashon, Planifikashon i Servisio Públiko.

Funshonnan Polítiko 
Armin Konket ta simpatisá ku partido MAN for di aña 1979. Na Hulanda di 1990 pa 1992 e la fungi komo sekretario di partido PvdA na Utrecht. Despues di a regresá for Hulanda e la sigui ku MAN. Na 1996 e la bira miembro aktivo di MAN. Na elekshon di 1998 i 2002 e la fungi komo lider di kampaña pa MAN. Di 1998 pa 2002 e tabata sekretario general di MAN i konsehero di frakshon di MAN den Parlamento. Tambe e la fungi komo konsehero di diferente komishon di MAN. Armin Konket a retirá na 2005 komo miembro di konseho insular i komo miembro di MAN.

Despues di 5 aña di no ta aktivo polítikamente Armin Konket a bira miembro di PAR kaminda entre 2011 i 2013 e tabata vise –presidente. Di yanüari 2013 pa novèmber 2016 e tabata miembro di parlamentu pa PAR.

Entrante 29 mei 2017 Armin Konket a akseptá e puesto di Minister pa MAN.

Aktividatnan Sekundario
Armin Konket a fungi di 2006 pa 2008 i di 2013 pa 2017 komo presidente di Federashon di Beisbòl. Promé ku esaki Armin Konket Armin Konket tabata Presidente, Sekretario òf Tesorero pa diferente klup di beisbòl i deporte. Tambe e tabata sekretario di ‘Vereniging voor Bestuurskunde Nederlandse Antillen’.

Instansianan di Gobièrnu ku ta kai bou di Minister Konket 

  • CORE N.V.;
  • Fundashon Kurá Digital Kòrsou.
Bo opinion