Susanne Camelia-Römer

Minister di Salubridat Públiko, Medio Ambiente i Naturalesa

Susanne Camelia-Römer

Nὸmber: Susanne  
Nὸmber di kariño: Suzy
Lugá i fecha di nasementu: Kὸrsou, 4 di yanüari 1959

Estudio

Periodo Estudio
1978-1984 Doktorado den derecho/Master in Law, spesialisashon den lei sivíl, lei penal, lei di proseso penal na Rijksuniversiteit Groningen

Karera laboral

Durante i despues di finalisá su estudio (1984) Suzy tabata kolaboradó sientífiko na Rijksuniversiteit Groningen. Na 1986 el a establesé su mes komo abogado na Korsou. Di 1992-1994 e tabata minister di hustisia, promé minister i minister di asuntunan ekonómiko di Antia Hulandes. Entre 1994-1998, miembro di parlamento di Antia Hulandes i entre 1995-1998 miembro di konseho insular di Korsou. Su re-entrada den polítika tabata na 2015(-2017) komo minister di Tráfiko, Transporte i Planifikashon Urbano di Korsou. Awor for di 29 mei 2017 e ta minister di Salubridat, Medio Ambiente i Naturalesa.

Funshon polítiko partidario

E ta fundador i miembro di Partido Inovashon Nashonal (PIN) pa kua na elekshon di 28 di aprel 2017 e tabata kabesante di e lista di partido.

  • Di 2002-2015 Suzy tabata aktivo den sektor priva tantu den maneho komo miembro di vários hunta di direktiva lokal i internashonal,
  • 2002-2004 komo aliado stratégiko di Ernst & Young Law Offices,
  • 2002- 2015 sosio den Bue Liaison Corporate Finance N.V.
  • 2014-2015 komo direktor di asuntunan legal i internashonal na  C-post International N.V.
  • Suzy tabata dosente na Universidat di Korsou di 2004- 2009 na fakultat di Hospitality, lei di hospitalidat
  • 2009 - 2013 Na ICUC,  Lei den hospitalidat 
  • Suzy tin vários publikashon riba su nòmber i tin eksperiensha ekstenso den planifikashon stratégiko, maneho, maneho públiko, relashon internashonal i sivil, lei públiko i atministrativo.
  • E ta miembro di e Council of Women World Leaders (John F. Kennedy School of Government/Harvard University).  
  • Te mart 2015 e tabata hues suplente  na Korte Konstitushonal di Sint Maarten.
  • Miembro di Asosashon di estudionan den Karibe.
  • Trabou voluntario den diferente organisashon manera:
    • Fundashon Krèsh Bai Bini; SEDECK; ADECK; St.NOW;
    • Fundashon Julius Leeft; Fundashon Archivo Nashonal

Kondekorashon di: Ridder in de Orde van Oranje Nassa.

Bo opinion