Zita Jesus - Leito

Minister di Tráfiko, Transporte i Planifikashon Urbano

Zita Jesus - Leito

Zita Jesus-Leito
Ministerio di Tráfiko, Transporte i Planifikashon Urbano

Detaye Personal

Nòmber (nòmber di kariño): Zita 
Lugá i fecha di nasementu: Kòrsou, 27 di aprel 1957
Estado sivil: Kasá

Estudio

Periodo Estudio
1983 te ku awor A sigui diferente kursonan i trainingnan riba e área di maneho, seguro, tópikonan riba e sektor bankario, abilidatnan pa traha ku programanan di kòmpiuter;
1982 – 1983   Sertifikado den asuntunan bankario, Florida International University;
1980 – 1982 Florida International University: Diploma di Maestra den Atministrashon di Negoshi (Master in Business Administration);
1975 – 1980

Universidat di Antias Ulandes: Diploma di “Bachelor den Atministrashon di Empresa (Bedrijfskunde);

1969 – 1974 Maria Immaculata Lyceum: HAVO.   

Karera

Despues ku Zita Jesus-Leito a optené su diploma di HAVO, el a traha durante e temporada di 1975 te ku 1990 na e kompania “Telefoondienst” i despues Setel N.V., na mesun momento a studia na Universidat di Antia Ulandes i despues na Florida International University i tin un “Bachelor in Businnes” i un “Master in Business Administration”. Na “Telefoondienst”  e tabata tin diferente posishon ehekutivo den e organisashon i pa último, di 1985 te ku 1990, el a keda nombrá komo direktor athunto di Asuntunan Finansiero.
Na 1990 el a bira direktor na Ennia Caribe, un kompania di seguro. Na Ennia Caribe el a haña e responsabilidat spesial di Kompania di Seguro di bida. Di 1998 te ku 2004 el a bira miembro di direktiva na Maduro & Curiel’s Bank komo “Assistent Managing Director”, enkargá ku Maduro & Curiels Credit Company, MCCC, Spaar en Beleenbank i Curaçaose Hypotheekbank.

Na 2004 Zita Jesus-Leito a drenta polítiko i tabata tin kasi 5 aña e funshon di Diputado di Asuntunan General i Struktura Estatal pa PAR. Despues di esaki, for di òktober 2010 te ku desèmber 2016, e tabata miembro di parlamento pa PAR. Di desèmber 2016 te ku mart 2017 e tabata parti di e gabinete Koeiman komo Minister di Salubridat Públiko, Medio Ambiente i Naturalesa i tambe vise minister-presidente.

Riba 2 di yüni Zita Jesus-Leito a keda nombrá komo minister di Tráfiko, Transporte i Planifikashon Urbano den gabinete Rhuggenaath.

Funshonnan polítiko di partido i funshonnan sekundario
For di 2004 Zita Jesus-Leito ta miembro di Partido Alternativa Real (PAR), kaminda el a ehekutá diferente funshonnan di direktiva, manera entre otro presidente durante diferente periodo. Durante e temporada di yanüari 2014 te ku febrüari 2017, e tabata lider polítiko di PAR. Aktualmente e ta presidente atrobe.

E ta un persona hopi sosial i a aportá na diferente organisashonnan. Ehèmpel di esaki ta Quota Club (presidente di su “chapter”) i asosiashon di futbòl CRKSV Jong Colombia (miembro di direktiva). Tambe Zita Jesus-Leito ta ko-outor di e buki “Kon ta Solisitá!” (publiká na yüni 1991). E buki, ku a keda publiká na Papiamentu, ta trahá spesial pa hóbennan dor di e defisiensia ku a keda indiká pa loke ta trata solisitut bòu di e hóbennan aki.

Entidatnan di gobièrnu i fundashonnan ku tambe ta kai bòu di responsabilidat di minister Zita Jesus-Leito ta:

  • N.V. Autobusbedrijf Curaçao
  • Bureau Telecommunicatie en Post
  • C-Post International N.V.
  • Ducth Caribbean Air Navigation Services Provider N.V.
  • Post Spaar Bank N.V.
  • United Telecommunication Services N.V.
  • N.V. Stadsherstel Willemstad
  • Woningbouw Curacao N.V.
  • Fundashon Kas Popular
  • Stichting Kadaster en Openbare Registers Curaçao
  • Stichting Monumentenfonds Curaçao
  • Stichting Wegenfonds Curaçao 
Bo opinion