Inveshonista pudiente

Riba 26 di sèprtèmber 2014 Minister di Hustisia a introdusí un dekreto ministerial yamá Kapitaalkrachtigde Investeerder 2014. E dekreto aki ta regla e atmishon pa un pèrmit di estadia temporal òf estadia pa tempu indefiní pa invershonistanan pudiente. E invershon di e invershonista pudiente mester trese benefisionan ekonómiko pa Kòrsou. E invershon mester trese kuponan di trabou, entrada di divisa òf stimulá kresementu di ekonomia di Kòrsou. E meta di e dekreto ministerial ta pa fasilitá invershonistanan pudiente ku ke permanesé na Kòrsou pa mas ku 6 luna.

Kondishonnan

Pa por apliká pa un pèrmt di estadia ku meta "invershonista pudiente", e estranhero mester demostrá ku e tin sufisiente medio finansiero pa kumplí ku e debernan di e invershon. E estranhero mester demostrá pa medio di dokumentonan ofisial ku el a hasi òf ta bai hasi un invershon di por lo menos  Naf. 500,000.00. E balides di e pèrmit ta depende di e montante di e invershon.

Esakinan ta lo siguiente:

  • Pa un invershon di por lo menos Naf. 500,000.00 ta risibí un pèrmit di 3 aña
  • Pa un invershon di por lo menos Naf. 750,000.00 ta risibí un pèrmit di 5 aña
  • Pa un invershon di por lo menos Naf. 1,500,000.00 ta risibí un pèrmit pa tempu indefiní

Klek riba Ministeriële beschikking Kapitaalkrachtige investeerder 2014 pa mas informashon tokante invershonista pudiente.

Bo opinion